“Ek dink ek is met wiele onder my alie gebore,” sê Gerard, wat saam met sy vrou Anuta al bykans 60 000 km deur Europa, Afrika en die Ooste gery het – eers op fietse, later bromponies.

Hulle reis altyd met ’n doel of ’n tema: op die spore van Hitler se doodstreine van Pole tot in Oostenryk; na ouwêreldse kloosters dwarsoor Europa; met Napoleon se roete oor die Alpe; na lande soos Albanië, Hongarye, Bulgarye. Gerard beskryf ook die rampe wat hulle oorleef het.

’n Omvangryke en diepgaande reisboek wat nie maklik ’n gelyke in Afrikaans het nie – Etienne Britz

Dié reisindrukke word oordenkings oor menswees – Madri Victor

Elke reis is ’n ongewone ervaring wat nog nie só in Afrikaans verwoord is nie – Ria Barnard